Қазақстанда мопед жүргізушілеріне тіркеу мерзімі аяқталуға жақын. Ішкі істер министрінің орынбасары Игорь Лепёха елдегі мопедтердің қаншасы тіркелгенін айтты, деп хабарлайды Ulysmedia.kz.
Бүгінгі таңдағы дерекке сәйкес, елімізде 18 200 мопед тіркелген. (...) Былтыр осы санаттағы көлік құралдарына арналған 22 мың жүргізуші куәлігі берілді. Ал биыл бұл көрсеткіш 2,5 мыңды құрап отыр, – деді Лепёха.
ІІМ басшысының орынбасары мопед иелеріне тіркеу мерзімі аяқталып қалғанын ескертті.
Осы мүмкіндікті пайдаланып, айта кетейін: 4 сәуірге дейін өте аз уақыт қалды. Біз тіпті ХҚКО-ларға (ЦОН) жұмыс уақытын ұзартуды сұрадық, тіркелгісі келгендер үлгерсін деп. Себебі осы мерзімнен кейін тіркелмеген мопед иелері заңды түрде жолға шыға алмайды", – деді ол.
Бұған дейін Ішкі істер министрлігі 5 сәуірден бастап тіркелмеген мопедтерді басқару заңбұзушылық болып саналатынын ескерткен еді.
Айта кетейік, 2025 жылдың 5 сәуірінен бастап мопедтер ресми түрде механикалық көлік құралдары санатына енгізіледі. Тиісті заңға Мемлекет басшысы Қасым-Жомарт Тоқаев өткен жылдың қазан айында қол қойған.
