2025 жылғы 1 наурыздағы жағдай бойынша Қазақстан Республикасының банк секторында 21 екінші деңгейдегі банк бар, оның ішінде 12 банк шетелдік қатысумен, соның ішінде 9 еншілес банк.2025 жылғы ақпанда банк секторының активтері 61,0 трлн теңгені құрап, бір ай ішінде 0,6%-ға немесе 391 млрд теңгеге өсті. Бұл өсім негізінен банктердің несие портфелінің 36,0 трлн теңгеге дейін 1,1%-ға ұлғаюы есебінен, деп хабарлайды Ulysmedia.kz.
ЭКОНОМИКАҒА БЕРІЛГЕН НЕСИЕЛЕР
Екінші деңгейдегі банктердің экономикаға берген несиелері ақпанда 1,1%-ға өсіп, 33,8 трлн теңгеге жетті. Ұлттық валютадағы несиелер 1,5%-ға артып, 31,2 трлн теңгені құрады, ал валюталық несиелер 4,0%-ға қысқарып, 2,7 трлн теңгеге дейін төмендеді.
БИЗНЕС СУБЪЕКТІЛЕРІНЕ БЕРІЛГЕН НЕСИЕЛЕР
2025 жылғы ақпанда бизнеске берілген несиелер айналым қаражатын сатып алу үшін қарыздардың 2,2%-ға артуы нәтижесінде 12,7 трлн теңгеге дейін ұлғайды. Ірі бизнеске берілген несиелер 1,1%-ға өсіп, 4,5 трлн теңгеге жетті, ал ШОБ субъектілеріне берілген қарыздар 0,4%-ға қысқарып, 5,9 трлн теңгені құрады.
ХАЛЫҚҚА БЕРІЛГЕН НЕСИЕЛЕР
Халыққа берілген несиелер 2025 жылғы ақпанда 1,6%-ға ұлғайып, 21,1 трлн теңгені құрады. Бұл өсім тұтынушылық қарыздардың 1,8%-ға артуы және ипотекалық несие көлемінің 0,4%-ға көбеюімен байланысты болды.
НЕСИЕ ПОРТФЕЛІНІҢ САПАСЫ
Банктердің несие портфелінің сапасы жоғары деңгейде сақталып отыр. 2025 жылғы 1 наурыздағы жағдай бойынша мерзімі өткен несиелердің үлесі 3,3%-ды құрап, 1,2 трлн теңгеге жетті.
БАНК СЕКТОРЫНЫҢ МІНДЕТТЕМЕЛЕРІ
2025 жылғы ақпанда банк секторының міндеттемелері 0,4%-ға артып, 51,7 трлн теңгеге жетті. Клиенттердің салымдары банктердің жиынтық міндеттемелерінің 79,8%-ын немесе 41,3 трлн теңгені құрады.
МЕНШІКТІ КАПИТАЛ
2025 жылғы ақпанда банктердің меншікті капиталы бөлінбеген таза пайданың өсуі нәтижесінде 2,1%-ға артып, 9,3 трлн теңгені құрады. Негізгі капиталдың жеткіліктілік коэффициенті (К1) 20,8%-ды, меншікті капиталдың жеткіліктілік коэффициенті (К2) 22,4%-ды құрады.
БАНК СЕКТОРЫНЫҢ ПАЙДАСЫ
2025 жылғы қаңтар-ақпанда банктердің таза пайдасы 449 млрд теңгені құрап, өткен жылмен салыстырғанда 15,2%-ға артты. Активтердің рентабельділігі (ROA) 4,6%-ды, капиталдың рентабельділігі (ROE) 31,9%-ды құрады.
БҰҒАН ДЕЙІН
Қарапайым тұрмыстық эксперимент ресми инфляция көрсеткіштерін тағы да растады. Қазақстан азаматы 2024 жылдың басында супермаркеттен азық-түлік сатып алып, түбіртегін сақтап, араға бір жыл салып, дәл сол өнімдерді қайта сатып алған. Нәтижесінде, азық-түлік себетінің құны 21%-ға қымбаттағаны анықталған.
