Қазақстан Республикасының Бәсекелестікті қорғау және дамыту агенттігі Fly Arystan әуе компаниясына қатысты ресми тергеу бастады, деп хабарлайды Ulysmedia.kz.
ТҰТЫНУШЫЛАРДЫҢ ШАҒЫМЫ НЕГЕ КӨБЕЙДІ?
Бәсекелестікті қорғау және дамыту агенттігі тексеріс жүргізуіне азаматтардың авиабилеттер бағасының күрт өсуіне қатысты көптеп шағымдануы себеп болған.
2024 ЖЫЛДЫҢ СОҢЫНДА НЕ БОЛДЫ?
2024 жылдың соңында агенттік азаматтық авиация нарығындағы жағдайға алаңдаған қазақстандықтардың өтінішіне жауап ретінде авиация қызметтеріне ауқымды мониторинг жүргізді. Талдау нәтижесінде антимонополиялық заңнаманы бұзу белгілері анықталды.
FLY ARYSTAN ҚАНДАЙ ҚАУІПТІҢ АЛДЫНДА ТҰР?
Тексерудің негізгі мәселесі – нақты бағыттардағы билет бағасының негізділігі. Агенттік мамандары “Fly Arystan” компаниясының кейбір маршруттарда нарықтық жағдайға әсер етіп, тарифтерді көтеруге мүмкіндік беретін үстем жағдайға ие болу ықтималдығын зерттеуде.
НЕГЕ КОМПАНИЯ АЙЫППҰЛ ТӨЛЕУІ МҮМКІН?
Егер заң бұзушылықтар анықталса, Fly Arystan әкімшілік жауапкершілікке тартылады. Қазақстан заңнамасына сәйкес, компания жылдық айналымының 5%-ын айыппұл ретінде төлеуі мүмкін.
