ІІМ әкімшілік полиция комитетінің төрағасы болып Қайсар Сұлтанбаев Алматыда ауыр жүк көлігінің 2017 жылы туған баланы қағып кеткен фактісі бойынша мән-жайды айтты, деп хабарлайды Ulysmedia.kz.
ІІМ НЕ ДЕЙДІ
Осы бір-екі күннің ішінде Алматыдағы екі жол көлік оқиғасы болды. Оның бірі – жүк көлігі баланы басып кеткен. Ол жерде расын айту керек, қаза болған жасөспірім кәдімгі жүргіншілерге арналған жолда өтіп бара жатқан. Қаланың ортасында болған жағдай емес, шетінде. Айнабұлақ деген шағын ауданда тіркелген. Жүк көліктерінің ол жерде өтуге құқығы бар. Бала жаяу жүргіншілер жолында өтіп бара жатқанда алдынан автобус өтіп кеткен, ол қорқып артқа шегінгенде жүк көлігі баланы байқамай басып кеткен. Автобус жүргізушісі баланы өткізбегені үшін жауапқа тартылды. Бұл факт бойынша қылмыстық іс қозғалды. Істің шеңберінде әркімнің жауапкершілігі қаралады, – деді Қайсар Сұлтанбаев ОКҚ брифингінде.
ОҚИҒА ЖАЙЛЫ
Оқиға Беларусь азаматы басқарған көліктің кесірінен орын алды. Бала оқиға орнында жан тапсырды.
Видеодан баланың анасы жол жиегінде күтіп тұрғанын, ал баланың жолдан өтіп келе жатқанын көруге болады. Бала анасына қарай жүрмек болғанда, алдынан жолаушылар автобусы кесіп өтеді. Сол сәтте жүк көлігі баланы байқамай басып өткен. Бұл қайғылы оқиға баланың анасының көз алдынд болған.
Желі қолданушаларының бірі сан-саққа бөлінген. Бірі баланың алдын кесіп өткен автобусты кінәласа енді бірі фуралардың қала ішіне жүруіне тыйым салу керек дейді. Ал бірі анасы неліктен жолдан өзі баласын алып өтпегеніне өкініп жатыр.
