2025 жылдың алғашқы айларының қорытындысы бойынша Focus2Move аналитикалық агенттігі 162 елдің ең көп сатылған автомобильдерінің жаңартылған рейтингін ұсынды. Биылғы көшбасшы Ford F-Series болды, ол көпжылдық фаворит Toyota Corolla-ны басып озды, деп хабарлайды Ulysmedia.kz.
FORD F-SERIES – ЖАҢА ӘЛЕМДІК КӨШБАСШЫ
Америкалық Ford F-Series пикапы күтпеген жерден сатылымдар бойынша жаһандық рейтингтің бірінші орнына көтерілді. 2025 жылдың басында бұл модельдің сатылымы 91,1%-ға өсіп, 198,6 мың данаға жетті. Бұл жетістік Ford-қа жапондық бәсекелестерін ғана емес, жалпы нарықтағы барлық жаппай сатылатын модельдерді басып озуға мүмкіндік берді.
TOYOTA КӨШБАСШЫЛЫҚТАН АЙЫРЫЛДЫ
Toyota бірінші орынды жоғалтса да, бұл бренд әлемдік рейтингте ең басым автопроизводитель болып қала береді. Компанияның бірден бес моделі жаһандық ТОП-10 қатарына кірді:
Toyota RAV4 – екінші орын (189,4 мың дана, +20,6%).
Toyota Corolla – үшінші орын (171,3 мың дана, -4,6%).
Toyota Camry – бесінші орын (103,2 мың дана, +17,7%).
Toyota Hilux – тоғызыншы орын (87,8 мың дана, +0,1%).
Toyota Yaris – оныншы орын (84,9 мың дана, +6,1%).
ЭЛЕКТРОКӨЛІКТЕРДІҢ ӨСУ ҚАРҚЫНЫ ТӨМЕНДЕДІ
2025 жылы электрокөліктер жаһандық жеткізу тізбегіндегі үзілістер мен зарядтау инфрақұрылымындағы тапшылыққа байланысты қиындықтарға тап болды. Бұл әсіресе Tesla компаниясына қатты әсер етті:
Tesla Model Y сатылымы 41,8%-ға төмендеп, 95,9 мың данаға дейін азайды. Нәтижесінде бұл модель жетінші орынға түсті.
Тек электромобильдер шығаратын қытайлық BYD бренді де сатылымының төмендеуін байқады.
КРОССОВЕРЛЕР МЕН ПИКАПТАР СҰРАНЫСҚА ИЕ
Жаңартылған рейтинг жол талғамайтын көліктер, кроссоверлер және пикаптардың өсіп келе жатқан танымалдылығын көрсетеді. Әсіресе дамушы экономикалар мен ауылдық аймақтарда сұраныс жоғары:
Honda CR-V төртінші орынға көтерілді (134,5 мың дана, +8,8%). Бұл модель әмбебап отбасылық кроссоверлерге тұрақты сұранысты көрсетіп отыр.
