Танымал тележүргізуші Динара Сәтжан Forbes тізіміндегі олигарх Жұмабек Жанықұловпен бірге түскен видеосын бөлісті, деп хабарлайды Ulysmedia.kz.
Динара Сәтжан желідегі парақшасында күйеуімен бірге күліп, бал-бұл жайнап келе жатқанын көрсеткен видеосын жариялады.
БҰҒАН ДЕЙІН
Тележүргізуші кеше, 4 сәуірде әлеуметті желідегі парақшасында Жұмабек Жанықұловпен түскен суретін жариялап, желідегі қауесетке нүкте қойды. Тележүргізуші жазбасында тегі өзгергенін меңзегеді.
Ал оның алдында instagram-дағы парақшасында неке қию рәсімінен суреттерін де бөлісті.
Динара Сәтжан мен күйеуінің некесін Нұрлан имам қиған.
ЖҰМАБЕК ЖАНЫҚҰЛОВ КІМ
Жұмабек Жанықұлов — қазақстандық кәсіпкер, қоғам қайраткері және меценат. 2022 жылы ол Forbes журналының нұсқасы бойынша «Қазақстанның ең ықпалды 50 кәсіпкері» рейтингінде 46-орынға ие болды.
КӘСІБІ
Ашық дереккөздегі мәлімет бойынша, Жанықұловтың бірнеше кәсібі бар.
• Karazhal Operating – Қарағанды облысындағы барит кенін өңдеумен айналысатын компания. Бұл жоба америкалық Halliburton компаниясымен бірлесіп жүзеге асырылады.
• Global Chemicals Company – Тау-кен байыту және мұнай-газ өнеркәсібіне арналған арнайы химикаттарды жеткізуші компания.
• Saryopan Operating – Бельгиялық Carmeuse Group компаниясымен бірлесіп құрылған химиялық реагенттер өндіретін зауыт.
• Тараз металлургиялық зауыты – Жанықұлов убыточты жағдайда сатып алып, қайта жандандырған ферросплав өндірісімен айналысатын кәсіпорын.
• Nova Medical Centre – Қазақстанның бірнеше қаласында 11 филиалы бар медициналық-диагностикалық орталықтар желісі.
Жұмабек Жанықұлов – "Кемел Ұрпақ"" қоғамдық қорының президенті және жұмыс берушілердің ұлттық конфедерациясы PARYZ ұйымының президиум төрағасы.
ДИНАРА СӘТЖАН
Динара Сәтжан — қазақстандық журналист, тележүргізуші, кәсіпкер, fashion-продюсер, киім бренді мен мультибрендтік дүкендер желісінің иесі, танымал блогер. Ол “Хабар” телеарнасында жаңалықтар жүргізушісі ретінде кеңінен танылды. 2008 жылы “Миссис Қазақстан” байқауының жеңімпазы атанды. “Статус QUO” және “Sky Студия” бағдарламаларының авторы және жүргізушісі болды.
