Шоқан Уәлиханов атындағы жекеменшік Shoqan School мектебінің үш оқушысы айрықша жетістікке жетті — олар Гарвард университеті мен Калифорния университетіне (Беркли) толық грантпен оқуға қабылданды. Бұл нәтиже Shoqan School-дың негізін қалаушылар — кәсіпкер Кеңес Рақышев пен эколог Әсел Тасмағамбетова жасаған бірегей Менторлық бағдарлама арқылы мүмкін болды.
Кім қайда түсті:
• Сабыржан Арман Гарвард университетіне компьютерлік инженерия бағдарламасы бойынша толық грантпен қабылданды.
• Оспан Томирис Гарвардқа экономика мамандығы бойынша оқуға түсті.
• Жандильдаева Камилла UC Berkeley университетіндегі Management, Entrepreneurship, and Technology (MET) атты беделді бағдарламаға қабылданды. Аталған бағдарламаға биыл 127 мың өтінім түсіп, тек 200 студент оқуға түскен.
• Аружан Асыл Ұлыбританиядағы ең үздік дайындық бағдарламаларының бірі саналатын University College London (UCL) университетінің Foundation бағдарламасына түсті.
Тарихи жетістік
Shoqan School-дың Менторлық бағдарламасы елеулі нәтижелер көрсетуде. Мысалы, «Болашақ» бағдарламасы іске қосылған 30 жыл ішінде Гарвард университетінің бакалавриат бағдарламасында бар болғаны екі ғана қазақстандық оқыған. Ал Shoqan School бірден екі оқушыны дайындап шығарды.
Білімге жеке қаражат есебінен инвестиция
Shoqan School 2020 жылы ашылған сәттен бастап Әсел Тасмағамбетова мен Кеңес Рақышев дарынды оқушыларға 173 миллион теңгеден астам стипендия бөлді. Сонымен қатар, әлемнің үздік 10 университетіне түскен түлектердің оқу ақысын мектеп негізін қалаушылар жеке қаражаттарынан толық өтеп отыр.
Shoqan-ның Менторлық бағдарламасы қалай жұмыс істейді:
2023 жылы құрылған бұл бағдарлама — Қазақстан мен Орталық Азиядағы алғашқы жеке менторлық жүйе. Ол дарынды оқушыларды әлемдік деңгейдегі университеттерге дайындауға бағытталған. Бағдарлама аясында:
• SAT және TOEFL емтихандарына терең дайындық
• Эссе, түйіндеме, сұхбаттарға менторлық көмек
• Harvard, MIT, Brown секілді университеттердің жазғы мектептеріне қатысу
• Әлемнің үздік 20 университетіне құжат тапсыру процесінде 6–8 ментордан құралған командамен жұмыс
Бағдарламаның халықаралық серіктесі — Ұлыбританиядағы Luminary Education консалтинг агенттігі (директоры Макс Дойл).
Мақсат — жаңа буын көшбасшыларын тәрбиелеу
«Жеке оқу траекториясы – әр баланың қабілетін ескеретін тиімді жүйе. Біз осы тәсілді екі жыл бұрын Shoqan School-да сынап көре бастадық, енді нәтижесі айқын: оқушыларымыз әлемдік ТОП университеттерге қабылданды», — дейді Әсел Тасмағамбетова.
2025 жылдың төртінші тоқсанында Shoqan School 6–7 сынып оқушыларына арналған дербестендірілген білім беру бағдарламаларын кеңейтуді жоспарлап отыр.
Shoqan School-дың Менторлық бағдарламасы — бұл жай ғана Гарвардқа жол емес, Қазақстанның болашағын қалыптастыратын интеллектуал көшбасшылар буынын тәрбиелеу жолы.
Гарвард университеті
Гарвард — 1636 жылы құрылған, әлемдегі ең көне әрі ең беделді университеттердің бірі. Ол Лига Плющаға кіреді және жаһандық рейтингтерде үнемі көш басында. Гарвардқа түсу — әлемдегі кез келген студент үшін ең жоғары жетістік саналады. Бұл оқу орнына қабылдану деңгейі өте жоғары — тек 4%-дан аз талапкер ғана оқуға түседі.
