Ұлттық банк зейнетақы жинағының инвестициялық түсімінің азаюын "уақытша күйзеліс" деп атады, деп хабарлайды Ulysmedia.kz.
ҰБ өкілі Нұржан Нұрғазиннің сөзінше, қазақстандықтардың зейнетақысының инвестициялық түсімі биыл алғашқы үш айда теріс мәнді көрсеткен.
- Инвестициялық табыс теріс деңгейде болды. Ол негізінен бірнеше факторға байланысты. Біріншіден, мемлекеттік бағалы қағаздардың төмендеуі және теңгенің долларға шаққандағы бағамының өзгеруі. Бұл құбылыстар уақытша сипатқа ие. Бұл қайта бағалау нәтижесінде пайда болды. Бұл уақытша күйзеліс, дейді Нұрғазин.
Ал сәуірден бастап жағдай оң бағытқа өзгерген. Шамамен 400 млрд теңге инвестициялық табыс тіркелген.
