Қостанай облысында трактор пойызбен соқтығысты, деп хабарлайды Ulysmedia.kz.
МӘН-ЖАЙ
“Қазақстан темір жолы” компаниясының мәліметінше, оқиға 2025 жылғы 27 сәуірде сағат 08:55-те Есіл – Арқалық учаскесіндегі теміржол өткелінде болған.
– Тұрақты жұмыс істеп тұрған өткелдегі белгі беруге қарамастан, трактор жүргізушісі қозғалып келе жатқан пойыз алдына шығып кетіп, жол ережесін өрескел бұзды, – деп хабарлады компания.
Машинист пойызды шұғыл тежеген, бірақ соқтығысудың алдын алу мүмкін болмаған.
Оқиға салдарынан трактор жүргізушісі өміріне қауіп төнген жарақат алып, қаза тапты.
