Жастардың көбі – жалдамалы қызметкерлер: тағы қандай салада жастар көп

ЕҢ КӨП ЖҰМЫС ІСТЕЙТІН ЖАСТАР АЛМАТЫДА

Finprom.kz мәліметтерінше, жастардың ең көп шоғырланған өңірі – Алматы қаласы. Мұнда 243,2 мың жас жұмыс істейді, бұл былтырғы көрсеткіштен 5%-ға жоғары. Алматы қаласынан кейінгі орындарда Алматы облысы мен Түркістан облысы тұр.

Ең аз жұмыс істейтін жастар Ұлытау, Солтүстік Қазақстан және Жетісу облыстарында тіркелген.

ЖАСТАРДЫҢ КӨБІ ЖАЛДАМАЛЫ ҚЫЗМЕТКЕР

15–28 жастағы жастардың басым бөлігі – жалдамалы қызметкерлер. Олардың саны 1,4 миллион адам, бұл жалпы көрсеткіштің 77,7%-ы.

Сонымен қатар:

331,9 мың адам – жеке кәсіпкер;

58,3 мың – тәуелсіз қызметкер;

2,7 мың – түрлі серіктестік пен кооператив құрылтайшылары;

2,4 мың – жеке практикамен айналысатындар.

ҚАЙ САЛАЛАРДА ЖҰМЫС ІСТЕЙДІ

Көптеген жас мамандар мынадай мамандықтар бойынша еңбек етеді:

Мамандандырылған кәсіби қызметкерлер – 424,4 мың адам (былтырмен салыстырғанда 1,3%-ға аз);

Қызмет көрсету және сауда саласының мамандары – 291,7 мың адам;

Біліктілігі жоқ жұмысшылар – 281,7 мың адам;

Техникалық және көмекші мамандар – 195,1 мың адам;

Өндіріс, құрылыс және көлік саласының жұмысшылары – 142,6 мың адам.

ЭКОНОМИКАЛЫҚ БЕЛСЕНДІЛІК САЛАЛАРЫ

Жастар көбіне көтерме және бөлшек сауда, автокөлік пен мотоцикл жөндеу, білім беру, сондай-ақ ауыл, орман және балық шаруашылығы салаларында жұмыс істейді. Ең аз жастар еңбек ететін бағыттар:

Сумен қамту,

Электрмен қамту,

Жылжымайтын мүлікпен операциялар.

ЖҰМЫССЫЗДЫҚ ДЕҢГЕЙІ ТӨМЕНДЕДІ

2024 жылы жұмыссыз жүрген 15–28 жастағы жастар саны 62 мың адамды құрады. Бұл 2023 жылмен салыстырғанда 6,7%-ға аз. Жұмыссыздық деңгейі:

16–24 жас аралығында – 3,7%,

25–28 жаста – 3%,

Жалпы ел бойынша – 4,7%.

ЖҰМЫССЫЗ ЖАСТАР КӨБІНЕ ҚАЙ АЙМАҚТА ТҰРАДЫ

Жұмыссыз жастардың көбі мына қалаларда тұрады:

Алматы – 11,1 мың адам,

Астана – 7,8 мың,

Алматы облысы – 7,7 мың. Ал ең аз жұмыссыз жастар Ұлытау (567 адам), Павлодар (1,3 мың) және СҚО (1,4 мың) облыстарында тіркелген.

ЖҰМЫС ІЗДЕУ ҰЗАҚТЫҒЫ

1–3 ай іздегендер – 18,2 мың адам,

3–6 ай – 16,2 мың,

1 айдан аз – 16 мың,

6 айдан 1 жылға дейін – 7,5 мың,

1 жылдан астам – 4 мың адам.