ҰҚК телеграмда жалған ақпараттың тарауына байланысты мәлімдеме жасады, деп хабарлайды Ulysmedia.kz.
ТОЛЫҒЫРАҚ
Ведомство мәліметінше, әлеуметтік желілерде патриоттыққа қарсы риториканы тарататын, «Бессмертный полк» акциясына бойкот жариялауға шақыратын немесе қоғамды жікке бөлуге бағытталған өзге де әрекеттерді жасайтын тұлғалар туралы ақпарат жинау үшін Telegram боты құрылғаны туралы «Қазақстан Республикасы Ұлттық қауіпсіздік комитеті баспасөз қызметінің ресми мәлімдемесі» деген ақпарат тарап жатыр.
ЖАЛҒАН
Бұл «мәлімдеме» — жалған, ондағы мәліметтер шындыққа жанаспайды.
- ҰҚК-нің ресми ақпараттары тек «knb.gov.kz» сайты, «knbgov_kz» Telegram-арнасы және «knbgovkz» Instagram-парақшасы арқылы жарияланады. Тек ресми дереккөздерге сеніп, жалған ақпарат таратпауға шақырамыз, дейді ҰҚК өкілдері.
