Акордада цифрлық даму, инновациялар және аэроғарыш өнеркәсібі министрі Жаслан Мәдиев Абу-Дабидің мұрагер ханзадасымен болатын келіссөздер турасында журналистердің сұрақтарына жауап берді, деп хабарлайды Ulysmedia.kz.
Министрден журналистер БАӘ Қазақстанның мобильді операторларын сатып алу туралы ұсыныс жасауы мүмкін бе деп сұралды.
Қазір мұндай келіссөздер жүргізіліп жатқан жоқ, – деп мәлімдеді Мәдиев.
Министрге БАӘ өз мобильді операторын Қазақстанға әкелуі мүмкін бе деп те сұрақ қойылды.
Қазақстанда, меніңше, өте жақсы желі бар, бізде үш мобильді оператор жұмыс істейді. Жақсы бәсекелестік қалыптасқан. Базалық станциялар салынып жатыр, үлкен инвестициялық бағдарламалар бар. Қазір БАӘ-мен олардың мобильді операторының нарыққа кіруі бойынша келіссөздер жүргізіп жатқан жоқпыз, – деді министр.
Айта кетейік, өткен күні Қазақстанға Абу-Дабидің мұрагер ханзадасы шейх Халед бен Мухаммед бен Заид Аль-Нахаян келді. Жоғары деңгейдегі сапар аясында Қазақстан мен Біріккен Араб Әмірліктері арасындағы стратегиялық серіктестікті нығайту мәселелері талқыланады.
БАӘ
БАӘ – Қазақстанның араб әлеміндегі негізгі сауда-экономикалық серіктесі, деп мәлімдеді үкімет өкілдері. Екі елдің басшылығы тауар айналымын 1 миллиард долларға дейін арттыру жөнінде бірлескен шаралар қабылдап жатыр.
