Түркия Ресей мен Украина арасындағы бейбіт келіссөздерге тағы да алаң ұсынуға әзір екенін мәлімдеді, деп хабарлайды передает Ulysmedia.kz.
Мәскеуде Хакан Фидан Ресей сыртқы істер министрі Сергей Лавровпен, сондай-ақ Ресей президенті Владимир Путинмен және келіссөздер жөніндегі ресейлік делегацияның басшысы Владимир Мединскиймен кездесті.
Лавровтың сөзінше, Ресей келіссөздерді жалғастыруға бейілді. Алайда ол президент Путиннің бұрынғы мәлімдемесін қайталап, келіссөздердің табысы «Ресей мен Украина арасындағы қақтығыстың түпкі себептері жойыла ма, жоқ па» деген мәселеге тіреліп тұрғанын атап өтті.
Фидан Мәскеуден кейін Киевке жол тартпақ. Украина астанасында ол жергілікті билік өкілдерімен кездесіп, келіссөздер тақырыбын жалғастыруды көздеп отыр.
Бұған дейін Ресей президенті Владимир Путин Украинамен келіссөз жүргізу үшін Ватиканға барғысы келмейтіні туралы ақпарат тараған.
