Әлемдік тағы бір жұлдыз Қазақстанда концерт өткізеді

Rammstein тобының фронтманы Тилль Линдеманн 2026 жылдың 7 қаңтарында Алматыда жеке концерт өткізеді.

Шоу Almaty Arena сахнасында өтеді және Meine Welt («Менің әлемім») туры аясында ұйымдастырылып отыр. Билеттер осы аптада сатылымға шығарылады.

Ауыр рок жанрының жанкүйерлерін ерекше музыкалық оқиға күтіп тұр: аты аңызға айналған неміс Rammstein тобының фронтманы Тилль Линдеманн 2026 жылғы 7 қаңтарда Almaty Arena сахнасында жеке концерт береді. Қазақстан Орталық Азияны қамтитын Meine Welt турының бір бөлігіне айналмақ.

Ұйымдастырушылар бұл шоуды «қайта ойластырылған, тұлғалық әрі ымырасыз» деп сипаттап отыр. Көрермендер Линдеманннің ішкі әлеміне тереңірек үңілуге мүмкіндік алады.

ӘНШІ ЖАЙЛЫ

Тилль Линдеманн – жай ғана Rammstein-нің вокалисі емес. Ол — мультижанрлы артист. Lindemann және Na Chui жобаларымен, сондай-ақ поэзиялық жинақтарымен, Apocalyptica, Zaz сынды әртүрлі музыканттармен бірге жасаған шығармашылық эксперименттерімен де танымал.

Билеттердің сатылымы келесідей жүзеге асады:

• Бейсенбі, 12:00 – Freedom Bank картасы иелері мен Freedom SuperApp қолданушылары үшін алдын ала сатылым;
• Жұма, 12:00 – барлық платформаларда ашық сатылым басталады.

Билеттерді Тикетон және өзге де ірі онлайн-сервистер арқылы сатып алуға болады.