Руслан Жақсылықовтың жеке көмекшісі Әшім Күзебеков Ulysmedia тілшісімен сөйлесу барысында бұрынғы қорғаныс министрі ұсталды деген ақпаратты жоққа шығарды.
МӘН-ЖАЙ
Подполковник Күзебековтің айтуынша, өзі тәулік бойы бірге жүретін Жақсылықовтың жағдайы «жақсы». Бұрынғы министрдің отставкасына не себеп болғаны туралы сұраққа ол:
— Біз әрдайым мемлекет игілігі үшін жұмыс істедік, — деп жауап берді.
КОНТЕКСТ
Ulysmedia редакциясы аталған ақпаратты растау немесе жоққа шығару туралы ресми құрылымдарға сауал жолдағанымен, әзірге олар біздің алған инсайдерлік ақпаратымызды не растап, не теріске шығарған жоқ.
БҰҒАН ДЕЙІН
Бұған дейін бұрынғы қорғаныс министрі Руслан Жақсылықовтың ұсталғаны жөнінде ақпарат тараған еді.
