Көлік полициясы департаменті Астана маңында екі адамның өмірін қиған жеңіл моторлы ұшақ апатына қатысты тергеу басталғанын мәлімдеді, деп хабарлайды Ulysmedia.kz.
МӘН-ЖАЙ
Көлік полициясы департаменті Астана маңында жеңіл моторлы ұшақ құлаған кезде ұшқыш пен жолаушының қаза тапқанын нақтылады.
– Астана станциясындағы желілік полиция басқармасы ҚР Қылмыстық кодексінің 344-бабы 3-бөлігі бойынша сотқа дейінгі тергеу бастады. Ұшақ апатының себептері анықталып жатыр, – деп хабарлады көлік полициясы департаментінің баспасөз қызметі.
БҰҒАН ДЕЙІН
Еске салайық, 2025 жылғы 22 маусымда шамамен сағат 11.30-да Жоламан әуеайлағы маңында (Астана қаласы) оқу-жаттығу ұшуын орындау барысында TL-2000 жеңіл моторлы ұшағы апатқа ұшырады. Бұл ұшақ жеке тұлғаға тиесілі. Сол кезде бортта екі экипаж мүшесі болғаны, олардың қаза тапқаны хабарланды.
