Шымкентте терроризмді насихаттады деп айыпталған күдіктіге қатысты сот үкімі шықты, деп хабарлайды Ulysmedia.kz.
Ұлттық қауіпсіздік комитетінің мәліметінше, күдікті сот шешімімен 7 жылға бас бостандығынан айырылған.
– Оның айналасындағыларды кісі өлтіруге шақырғаны және діни себептермен зорлық - зомбылықты ақтағаны анықталды, – делінген хабарламада.
Бұдан өзге, комитет мәліметінше, Ақтөбе және Атырау облыстарында діндарлар арасында терроризмді насихаттады деген айыппен екі адам 7 және 6 жылға сотталған.
– Күдіктілердің соттылығы болған және террористік аймақтарға шығу әрекеттері болған, - делінген ҰҚК ақпаратында.
Жыл басынан бері терроризм және экстремизм айыптары бойынша 52 адам сотқа тартылған. Оның ішінде 2 шетел азаматы бар. Бұдан өзге, тағы 52 адамның үстінен тергеу жұмыстары жүріп жатыр.
