«Самұрық-Қазына» Ұлттық әл-ауқат қоры ресейлік «РОСНАНО» басқарушы компаниясымен және «Синтез-Капиталмен» бірлесіп инвестициялау туралы келісімге қол қойды, деп хабарлайды ulysmedia.kz.
Тараптар Қазақстан мен Ресей аумағында химиялық жобаларды бірлесіп жүзеге асыруға арналған платформаны жасау үшін 14 миллиард рубль (Ұлттық банктің бағамы бойынша 79,5 миллиард теңгеден астам) жұмсайды.
Ұлттық әл-ауқат қоры жаңа платформа қорларға Ресейде де, Қазақстанда да сұранысқа ие өнімдер пулын бірлесіп шығаруға мүмкіндік береді деп мәлімдеді.
«Технологиялық тізбек екі елде де метилдиэтаноламин негізіндегі мұнай кәсіпшілік химикаттары мен арнайы абсорбенттерді шығаратын жаңа зауыттар мен кәсіпорындардың құрылысын қамтамасыз етеді.
Жоба табиғи және технологиялық газдарды қышқылдық қоспалардан тазарту және СО2-ны жою және кәдеге жарату үшін инфрақұрылымды, техникалық және инвестициялық шешімдерді қалыптастыру үшін қажетті жоғары тиімді сорбенттерге өнеркәсіптің өсіп келе жатқан сұранысын қанағаттандырады», - делінген хабарламада.
Алдағы ынтымақтастық туралы егжей-тегжейлі айтылмады. «Синтез OKA» тобының бас директоры Сергей Луговскойдың айтуынша, тараптар Ресей мен Қазақстан Республикасының аумағында ынтымақтастықтың бірнеше перспективалы бағыттарын көріп отырғанын айтты.
Сондай-ақ келісімге келген тараптардың әрқайсысы қанша инвестиция салатыны белгісіз.
