9 шілдеде Перизат Қайрат және оның анасы Ғайни Алашбаеваға қатысты 3,5 млрд теңге жымқыру дерегі бойынша қылмыстық іс бойынша алдын ала тыңдау өтті, деп хабарлайды Ulysmedia.kz.
ТОЛЫҒЫРАҚ
Тыңдау барысында сотталушы Перизат Қайрат және оның қорғаушысы қылмыстық істі жабық тәртіпте қарау туралы өтініш білдірді.
ПРОКУРОР НЕ ДЕЙДІ
Прокурор жәбірленушілердің мүддесі үшін сотталушылардан жауап алу және құжаттардың бір бөлігін жабық форматта зерделеу қажет екенін айтты, себебі бұл материалдарда құпия және банк құпиясын құрайтын мәліметтер бар.
Жәбірленушілердің бір бөлігі бұл өтінішті қанағаттандыруды сұрады, ал екінші бөлігі бұл мәселені соттың қарауына қалдырды.
СОТ ШЕШІМІ
Тараптардың уәждерін тыңдағаннан кейін сот істі ашық түрде қарауға шешім қабылдады. Сонымен қатар, БАҚ өкілдеріне сот процесіне қатысуға және фото, бейнетүсірілім жасауға рұқсат берілді (сотталушылардың фото және бейнелерін түсіруге қарсы болған жағдайлардан басқа).
- Осыған орай, жәбірленушілердің құпия және банк құпиясын құрайтын мәліметтерін сақтау мақсатында сотталушылардан жауап алу және осындай мәліметтерді қарау жабық сот отырысында өтетін болды, делінген хабарламада.
Негізгі сот отырысы 2024 жылғы 14 шілдеге тағайындалды.
