Алматы тауларында жоғалып кеткен жасөспірім өлі табылды, деп хабарлайды Ulysmedia.kz.
Алматы полиция департаментінің баспасөз қызметі жоғалған жасөспірімнің мәйіті табылғанан растады.
– Денесінде зорлық-зомбылық белгілері табылмады. Сот-медициналық сараптама тағайындалды. Оқиғаның мән-жайы анықталып жатыр, – делінген полиция хабарламасында.
2 шілдеде 18 жастағы Ақылбек Нұрисламның жоғалып кеткені туралы хабар тараған. Туыстарыоның тауға кеткенін айтқан. Соңғы рет оның телефоны Үлкен Алматы шатқалы маңында тіркелген. Іздеуге Алматы қалалық құтқару қызметі, республикалық жедел-құтқару жасағы, ТЖД, шекара қызметі, полиция мен еріктілер қатысқан. Сондай-ақ, іздеу жұмыстарына авиация, кинологтар мен дрондар тартылған.
