Астана-Петропавл тас жолында көлік апатынан үш адам қаза болды, деп хабарлайды Ulysmedia.kz.
Көлік апаты 3 тамыз күні кешке Щучинск қаласы іргесіндегі «Экспресс» дәмханасы мен «Синойл» жанармай бекеті маңында болған.
Сағат 18:30 шамасында Астанаға қарай бағыт алған Hyundai Elantra автокөлігі қарсы жолаққа шығып, Көкшетауға қарай бет алған ВАЗ-2107 көлігімен бетпе-бет соқтығысқан. Соққы салдарынан ВАЗ көлігіндегі үш адам сол жерде қайтыс болған. Қаза болған адамның бірлығы бір отбасынан.
Hyundai көлігінде болған төрт адам аман қалған. Бірақ әртүрлі дәрежеде жарақат алды. Олар шұғыл түрде ауруханаға жеткізілген. Оқиғаға байланысты полиция жұмыс істеп жатыр. Көлік апатының себебі анықталуда
