АҚШ президенті Дональд Трамп бүгін, 15 тамыз күні, Ресей президенті Владимир Путинмен келіссөздер өткізу үшін Аляскаға аттанды, деп хабарлайды Ulysmedia.kz.
Мән-жай
Sky News арнасының хабарлауынша, ұшып кетер алдында Дональд Трамп журналистердің сұрақтарына жауап беруден бас тартқан.
Алайда ұшақ бортында мәлімдеме жасап, егер Украина мәселесінде ілгерілеу болмаса, Ресейге «ауыр экономикалық салдарлар» болатынын ескерткен.
АҚШ президенті сондай-ақ Путинмен аумақтық мәселелерді талқылауды жоспарлап отырғанын, бірақ соңғы шешім Украинада болатынын айтқан.
Контекст
Ресей мен АҚШ президенттері Владимир Путин мен Дональд Трамп жұма күні Астана уақытымен түнгі сағат 12 шамасында Анкоридж қаласында кездеседі. Саммит Эльмендорф-Ричардсон әскери базасында өтеді.
