АҚШ-та коронавирустың омикрон түрін жұқтырушылар қарасы азая түсті, деп хабарлайды ulysmedia.kz.
Ақпарат құралдарының хабарлауынша, қазір індет өршіген штаттарда осындай үдеріс байқалады. Жалпы жаңа штамды жұқтыру 12% төмендеген. Сарапшылар мұны омикронның таралуының шарықтау шегі өткенімен байланыстырады.
Дегенмен, қауіпсіздік шараларын сақтай берген жөн.
«Менің ойымша, жағдайдың жақсара түскеніне қарамастан қоғамдық орындарда бетперде тағып жүру сынды қауіпсіздік шараларын сақтай беруіміз керек. Сонымен бірге науқастармен байланыста болсаңыз – тексеруден өту қажет», - дейді Колумбия университетінің профессоры Вафаа Аль-Садр.
