Президент Қасым-Жомарт Тоқаев Шанхай ынтымақтастық ұйымының саммитіне қатысу үшін Тяньцзинь қаласына барды, деп хабарлайды Ulysmedia.kz.
МӘН-ЖАЙ
Бұл туралы Ақорданың баспасөз қызметі 2025 жылғы 30 тамызда хабарлады.
– Бүгін “Инбингуань” мемлекеттік резиденциясында Президент Қасым-Жомарт Тоқаев пен Қытай Халық Республикасының Төрағасы Си Цзиньпин келіссөз жүргізеді, – делінген хабарламада.
Мемлекеттер басшылары қазақ-қытай жан-жақты әрі мәңгі стратегиялық серіктестігін нығайту перспективасын талқылайды.
Алдыңғы күні Тоқаев Қазақстандағы ҚХР елшісі Хань Чуньлинді қабылдады. Президент ШЫҰ саммиті үлкен табыспен өтетініне сенім білдіріп, бұл шараның Ұйым тарихындағы жаңа кезеңнің бастауы болып, жан-жақты өңірлік ынтымақтастықтың одан әрі дамуына ықпал ететініне үміт артты.
