Маңғыстау облысында жұмыссыз тұрғындар президент Қасым-Жомарт Тоқаевқа, үкімет басшысы Олжас Бектеновке, Маңғыстау облысының әкімі Нұрдәулет Қилыбайға үндеу жасады, деп хабарлайды Ulysmedia.kz.
МӘН-ЖАЙ
Олардың сөзінше, Маңғыстау облысында бос жұмыс орындары әділетсіз бөлініп жатыр.
ДӘЙЕКСӨЗ
– Біз өндіріс атынан ауданға бөлінген бос жұмыс орындары мансап орталығы арқылы емес, комиссия құрып, әділетті бөлінуін талап етеміз. Себебі әр өңірдің азаматтары аудан орталығына, ауылдарға мекенжай ауыстырып, жұмысқа орналысып жатқанына наразымыз, – деді олар.
Тұрғындар облыс әкімі Нұрдәулет Қилыбайддан азаматтарды дереу қабылдап, мәселесін шешіп беруін талап етті.
Еске салайық, бұған дейін Маңғыстау – Ақтөбе бағытында жүретін жолаушылар пойызының жолсеріктері президент Тоқаевқа үндеу жасаған еді.
