Алматы облысының Іле ауданында отбасылық жанжалдан кейін жоғалып кеткен әйел өлі табылды. Қайғылы жағдайдың себебі – суицид, деп хабарлайды Ulysmedia.kz.
МӘН-ЖАЙ
1982 жылы туған Мунирам Абдурусулова 25 тамыз күні Іле ауданына қарасты Құйған ауылында жоғалып кеткен.
Туыстарының айтуынша, ол түс шамасында үйінен шығып кетіп, оралмаған.
ІЗДЕУ ЖҰМЫСТАРЫ
Оның іздестіру хабарламасын LIDER.KZ еріктілері таратқан: бойы — 180 см, арықша денелі, ұзын қызыл шашты, қоңыр көзді. Ерекше белгілері аузының оң жағында және бетінде ірі меңдері бар. Жоғалған кезде үстінде көк түсті көйлек, аяғында қара аяқ киім болған.
Бірнеше күн бойы еріктілер мен бейжай қарамаған тұрғындардың қатысуымен белсенді іздеу жұмыстары жүргізілді. 29 тамыз күні әйелдің денесі табылды.
Еріктілердің мәліметінше, ол өзіне қол жұмсаған.
