АҚШ президенті Дональд Трамп өзінің Truth Social желісінде сурет жариялап, қолданушыларды алаңдатып қойды, деп хабарлайды Ulysmedia.kz.
МӘН-ЖАЙ
Суретте саясаткер екі қолын көкке көтеріп тұрғанын көруге болады, ал оның артында Күннің жарқылын немесе жалынды елестететін жарықпен көмкерілген Жер шары тұр.
Суретте “Әлем жақында түсінеді. Алда келе жатқанды ештеңе тоқтата алмайды” деп жазылған.
Мұндай қай ой жатқанын Трамп түсіндірмеді.
Айта кетейік, жазба Қытайдың Тяньцзинь қаласында өтіп жатқан Шанхай ынтымақтастық ұйымы (ШЫҰ) саммитінің басталуымен тұспа-тұс келді. Оған Ресей, Үндістан және Қытайды қоса алғанда 20-дан астам елдің көшбасшылары жиналған.
Еске салайық, бұған дейін Дональд Трамп АҚШ, Ресей және Украина қатысатын үшжақты кездесу өтетініне сенімді екенін мәлімдеген еді.
