Владимир Зеленский Путинмен кездесуге дайын екенін айтты, бірақ Ресей аумағында келіссөз жүргізу мүмкін емес екенін атап өтті, деп хабарлайды Ulysmedia.kz.
ТОЛЫҒЫРАҚ
Украина президенті Владимир Зеленский ABC News арнасына берген сұқбатында Ресей басшысы Владимир Путинмен жеке кездесу мүмкіндігін жоққа шығармайтынын айтты. Алайда ол келіссөздер Ресейде өте алмайтынын атап өтті.
- Мен Мәскеуге бара алмаймын, өйткені менің елім күн сайын зымыран шабуылдарына және соққыларға ұшырап отыр, — деп түсіндірді Зеленский.
Украина президентінің айтуынша, бұған дейін ол келіссөздерді Киевте өткізуді ұсынған. Зеленскийдің пікірінше, Путиннің ұстанымы кездесуді кейінге қалдыру әрекетімен байланысты.
- Мен бұрын айтқан ұсынысым сол күйі, ол Киевке келуі тиіс. Демек, оның тағы да кездесуді созғысы келіп отырғаны түсінікті, — деді Украина президенті.
Зеленский әртүрлі форматтағы келіссөздерге ашық екенін және тек екіжақты емес, көпжақты кездесуді де қарастыруға дайын екенін атап өтті.
- Мен: "Президент мырза, мен кез келген кездесуге дайынмын, бірақ Ресейде емес. Кез келген формат: екіжақты, үшжақты. Егер сіз қосылсаңыз, біз қуаныштымыз” дедім Путинге, — деп қосты ол.
