Алматыда 18 жастағы қызды ұрлап, зорлады деген күдікпен такси жүргізушісіне қатысты қылмыстық іс қозғалды, деп хабарлайды Ulysmedia.kz.
ТОЛЫҒЫРАҚ
Бұл туралы «НеМолчи.kz» қоры мәлімдеді. Ұйымның нақтылауынша, 2007 жылы туған жәбірленуші 19 қыркүйек кешке көмек туралы белгі берген, содан кейін ол табылған.
Қордың дерегінше, қылмысты қызбен үстірт таныс болған, такси жүргізушісі болып істеген және бұған дейін оған ықылас танытуға тырысқан жас жігіт жасады деген күдік бар.
Ұйым сондай-ақ полицияның әрекеттерін сынға алды: олардың айтуынша, жәбірленушіні бірнеше сағат бойы әртүрлі бөлімшеде тергеп, сараптамаға жіберуді созбақтаған.
ҚЫЛМЫСТЫҚ ІС
Алайда Алматы полиция департаменті қылмыстық іс Медеу ауданында «дереу» қозғалғанын хабарлады. Күдікті ұсталып, уақытша ұстау изоляторына қамалды, тергеу жалғасып жатыр.
Ведомство тергеу заңға сәйкес және объективті жүргізіліп жатқанын ерекше атап өтті.
