Иранның жоғарғы ұлттық қауіпсіздік кеңесі халықаралық атом энергиясы агенттігімен (МАГАТЭ) ынтымақтастық тоқтатылатынын мәлімдеді, деп хабарлайды Ulysmedia.kz.
ТОЛЫҒЫРАҚ
Мұндай шешім БҰҰ-ның Тегеранға қарсы санкцияларын қайта қалпына келтіруге тырысқан еуропалық елдердің әрекетіне жауап болды. 20 қыркүйекте жарияланған Кеңестің мәлімдемесінде «еуроүштіктің» (Ұлыбритания, Германия және Франция) қадамдары агенттікпен одан арғы өзара іс-қимылды іс жүзінде бұғаттап отырғаны айтылған.
– Иран Сыртқы істер министрлігінің МАГАТЭ-мен диалогты қолдау және атом бағдарламасына қатысты мәселелерді реттеу үшін ұсыныстар беруге күш салғанына қарамастан, еуропалық елдердің ұстанымы ынтымақтастықты де-факто жоққа шығарып отыр, – делінген Tasnim агенттігінің хабарламасында.
Бұдан бөлек, елдің ұлттық мүдделерін қорғау үшін СІМ-ге Кеңес шешімдері аясында консультацияларды жалғастыру тапсырылды.
