Ресейдің «Лукойл» мұнай компаниясы шетелдегі активтерін сататынын мәлімдеді. Бұған компанияның санкцияға ілінуі түрткі болған, деп хабарлайды Ulysmedia.
Мән-жай
«Лукойл» меншігінде штаб-пәтері Женевада орналасқан трейдер, Румыния мен Болгариядағы мұнай өңдеу зауыттары және Нидерландыдағы мұнай өңдеу зауытының үлесі бар.
Ресейден бөлек, компанияның Еуроодақ, Грузия, Балқан елдерін қамтитын 2,5 мың жанармай бекетінен тұратын желіге иелік етеді. «Лукойл» активіне Ирактағы газды барлау және өңдеумен айналысатын мекеме кіреді. Бұдан бөлек, ресейлік мұнай компаниясы Қазақстан, Өзбекстан, Конго және Мексика елдерінде өндіру жобаларына қатысады.
Контекст
22-қазанда АҚШ ресейлік «Лукойл» және «Роснефть» компанияларын және олардың еншілес құрылымдарын санкция тізіміне қосқан. Санкция талабы бойынша, бұл компаниялармен 22 қарашаға дейін келісім-шарт жасасуға болады, бірақ алынған ақша бұғатталған есепшотқа аударылуы керек.
