Қанат Шарлапаев тағы бір қызметінен айырылды, деп хабарлайды Ulysmedia.kz.
ДИРЕКТОРЛАР КЕҢЕСІНЕН ШЫҒАРЫЛДЫ
Қазақстан қор биржасының сайтында жарияланған мәліметке сәйкес, "Байтерек" ұлттық басқарушы холдингі" АҚ-ның жалғыз акционері Канат Шарлапаевты директорлар кеңесінің құрамынан шығару туралы шешім қабылдады. Енді кеңесте 9 адам қалды.
БҰҒАН ДЕЙІН
25 қыркүйекте Шарлапаев Қазақстан Президентінің көмекшісі қызметінен босатылды. Сол күні ол "Самұрық-Қазына" ұлттық әл-ауқат қорының директорлар кеңесінен де шығарылды.
ЕСКЕ САЛАЙЫҚ
Қанат Шарлапаев 2023 жылдың қыркүйегінен бастап өнеркәсіп және құрылыс министрі қызметін атқарған.
ШАРЛАПАЕВ ТУРАЛЫ
Қанат Шарлапаев 1981 жылы Саратов облысында дүниеге келген, Қазақстан Республикасының азаматы.
Саратов әлеуметтік-экономикалық университетін (РФ), Cranfield School of Management (Ұлыбритания) тәмамдаған. Еңбек жолын 2003 жылы банк секторында бастады.
2006-2008 жылдары өңірлік кеңсенің қаржы департаментінде, жобаларды басқару департаментінде, операциялық-технологиялық департаментінде, «Сити» инвестбанкінің сату басқармасында (Ұлыбритания, Чехия) жұмыс істеді.
2008-2014 жылдары - «Сити» инвестбанк акциялар нарығында жұмыс жөніндегі өңірлік дивизионының аға талдаушысы, вице-президентінің көмекшісі, вице-президенті (Лондон, Ұлыбритания).
2014-2015 жылдары – «Сити» инвестбанкінің Еуропа, Таяу Шығыс және Африка бойынша стратегиялық жоспарлау және талдау өңірлік тобының вице-президенті (Лондон, Ұлыбритания).
2015-2017 жылдары - Ситибанк Қазақстанның Бас қаржы директоры, басқарма төрағасының орынбасары, аға вице-президенті.
2017-2020 жылдары - Ресей Ситибанкінің Ресей, Украина және Қазақстан бойынша бас қаржы директоры, аға вице-президенті.
2020-2022 жылдары – «Сити» инвестициялық банкінің (БАӘ) Африка, Таяу Шығыс пен Шығыс Еуропаның дамушы нарықтарындағы стратегия, жоспарлау және талдау жөніндегі өңірлік директоры.
2022 жылғы 2-ақпанда «Бәйтерек» ұлттық басқарушы холдингі» АҚ-ның Басқарма төрағасы қызметіне тағайындалды.
