Ресей үкіметі Роскомнадзор мен Цифрлық даму министрлігіне елдегі интернетті толық бақылауға мүмкіндік беретін қаулыны бекітті, деп хабарлайды Ulysmedia.kz.
ТОЛЫҒЫРАҚ
Құжат үкіметтің ресми сайтында жарияланып, 2026 жылдың 1 наурызынан бастап күшіне енеді. Ол 2032 жылға дейін қолданыста болады.
Қаулыға сәйкес, аталған ведомстволар ФСБ-мен бірлесіп «қатерлерді анықтап», қажет болған жағдайда «рунетті оқшаулай» алады. Бұл билікке ел ішіндегі интернет-трафикті өшіруге немесе басқа бағытқа бұруға техникалық мүмкіндік берілетінін білдіреді.
КОНТЕКСТ
Құжатта мұндай шаралар апаттар, желі жүктемесінің шамадан тыс артуы, стратегиялық маңызды нысандардағы ақаулар, сондай-ақ кибершабуылдар немесе тыйым салынған ресурстарға қол жеткізу әрекеттері кезінде қолданылатыны көрсетілген.
Интернет трафигін оқшаулау процесі интернет-провайдерлер арқылы, Роскомнадзор мен ФСБ бақылауында жүргізіледі.
