Психикалық денсаулық саласында реформа: кімдер енді көмек ала алмайды

ТОЛЫҒЫРАҚ

Атап айтқанда, психоактивті заттарды қолдануға байланысты психикалық және мінез-құлықтық бұзылыстары (аурулары) бар адамдарға қатысты психикалық денсаулық саласында медициналық көмек көрсететін ұйымдарға жолдама берілмейтін медициналық қарсы көрсетілімдер тізімі жаңа редакцияда бекітілді.

Жаңа тізімге енгізілген аурулар:

• Деструктивті және бактерия бөлетін түрдегі туберкулез
• Мерездің кеш сатылары
• Қатерлі ісіктер түрінде, терминалдық сатыда, көптеген аурулармен қатар жүретін АИТВ-инфекциясы
• Қатерлі ісіктер
• Қан және қан түзуші ағзалар аурулары, иммундық жүйеге әсер ететін орташа және ауыр дәрежедегі бұзылыстар
• Эндокриндік жүйе аурулары, тамақтану мен зат алмасу бұзылыстары
• Психикалық және мінез-құлықтық бұзылыстар
• Жүйке жүйесі аурулары
• Көз және оның қосалқы аппараты аурулары
• Қан айналымы жүйесі аурулары
• Тыныс алу мүшелері аурулары
• Ас қорыту жүйесі аурулары
• Тері және теріасты тіндерінің аурулары
• Қаңқа-бұлшықет жүйесі мен дәнекер тіндердің аурулары
• Зәр-жыныс жүйесі аурулары
• Туа біткен ақаулар, даму кемістіктері және хромосомалық бұзылыстар
• Жарақаттар, уланулар және сыртқы факторлардың әсерінен туындайтын кейбір басқа жағдайлар

Аталған бұйрық 2025 жылғы 21 қарашадан бастап күшіне енеді.

БҰҒАН ДЕЙІН

Еске салайық, бұған дейін Ақтөбе қаласында бес бала үндеу жасап көмек сұраған болатын. Сол сәтте бір үйдің бес баласы Ақтөбе қаласындағы “Аяла” балалар орталығында тұрып жатқан еді. Себебі олардың сөзінше, аналарын туысқан апалары жындыханаға мәжбүрлеп апарып тастаған.

23 қазанда бес баланың анасына қатысты сараптама нәтижесі шықты.