Қазақстан Ішкі істер министрлігі Германияда өлтірілген бұрынғы судья Айгүл Сайлыбаеваға қатысты ел ішінде жаңа қылмыстық іс қозғалғанын хабарлады. Тергеу оның Қазақстанда жүрген кезеңіндегі азаптау фактілеріне байланысты жүргізіліп жатыр, деп хабарлайды Ulysmedia.kz.
ТОЛЫҒЫРАҚ
ІІМ вице-министрі Санжар Әділовтің айтуынша, марқұмның туыстары берген материалдардан кейін “азаптау” бабымен қылмыстық іс тіркелген. Тергеу ерлі-зайыптылар бір кезеңде Жетісу облысында тұрған уақыттағы оқиғаларды қамтиды.
- Расында, бізде 110-бап бойынша қылмыстық іс тергеліп жатыр. Бұл іс – марқұмның туыстарының өтініштері бойынша қозғалды. Оқиғалар ерлі-зайыптылар Қазақстанда жүрген кезеңде болған. Германияда – қасақана адам өлтіру, ал бізде – дене жарақатын келтіру және азаптау фактісі қаралып отыр. Бұл ақпарат бізге кейін түсті, – деді ол.
Бұған дейін марқұмның құрбылары Сайлыбаеваның Қазақстанда да күйеуі мен енесінің қысымына ұшырағанын айтып, суреттер мен айғақтарын тергеуге өткізген.
КОНТЕКСТ
Айгүл Сайлыбаеваның денесі 2024 жылы 16 маусымда Германиядағы Эрлахе көлі маңынан табылған. Тергеушілер оны басқа жерде өлтіріп, кейін сол жерге тасымалдаған болуы мүмкін екенін жоққа шығармайды.
Марқұмның жақындары Германияда да тұрмыстық зорлықтың жалғасқанын болжаған. Биыл маусымда Германия полициясы күдікке ілінген әйелдің енесі — Қазақстан азаматы Наталья Донцоваға ордер шығарып, оны кілтипанға тікелей қатысы бар тұлға ретінде атады.
