Кәсіпкер Михаил Ломтадзе елордадағы «Жеңіс» клубының жекешелендірілуіне қатысты пікір білдірді, деп хабарлайды Ulysmedia.kz.
ТОЛЫҒЫРАҚ
Бұл туралы елордалық “Жеңіс” клубының баспасөз қызметі жазды.
«Менің арманым — Қазақстан мен Англияда әлемдік деңгейдегі кәсіби балалар футбол академиясын құру. Бұл академияда ең талантты жас футболшылар, болашақ жұлдыздар тәрбиеленеді. Оқу толықтай тегін болады. Жас спортшылар еліміздің және футболдың отаны — Англияның үздік мамандарымен жаттығу мүмкіндігіне ие болады.Футбол — ең көп таралған әрі көрерменге қызықты спорт түрі, көптеген елдер үшін мақтаныш көзі. Мен заманауи технологиялардың көмегімен қазақстандық футболды жаңа деңгейге көтеріп, әлемдік деңгейдегі ойыншыларды тәрбиелей аламыз деп сенемін», — деді кәсіпкер.
Forbes дерегінше, Ломтадзенің байлығы 3,9 миллиард долларды құрайды.
БҰҒАН ДЕЙІН
2024 жылдың мамыр айында ол Англияның футбол лигасы жүйесіндегі маңыздылығы бойынша үшінші дивизион — Лига 1-де өнер көрсететін «Уиком Уондерерс» клубының акцияларының бақылау пакетін (90 пайыз) сатып алғаны белгілі болды.
