Қазақстанда бухгалтер тапшы — жалақы шарықтап барады

ТОЛЫҒЫРАҚ

HeadHunter мамандары Қазақстандағы бухгалтерлердің жалақысын талдады. Ұлттық валюта күні мен қаржы саласы қызметкерлерінің кәсіби мерекесі қарсаңында «Қаржы, бухгалтерия» бағыты бойынша 2025 жылдың қаңтар-қазан аралығындағы көрсеткіштер зерттелді:

• үміткерлер мен бос орындар динамикасы;
• медианалық жалақы мөлшері;
• бәсекелестік деңгейі.

Жыл басынан бері платформадағы күтілетін медианалық жалақы 289 275 теңгеден 322 013 теңгеге дейін өсті — бұл өткен жылмен салыстырғанда 11,3% өсім. Алайда түйіндемелер саны 1,1%-ға азайған.

ЕҢ КӨП МАМАН ІЗДЕГЕН ӨҢІРЛЕР

Қаржы және бухгалтерия саласы бойынша ең көп маман ізделетін өңір — Алматы (43,3%), бұл өткен жылмен салыстырғанда 3,2%-ға төмен. Одан кейін Астана (19,7%) және Шымкент (4,9%) орналасқан. Қалған өңірлер:

• Қарағанды – 4,4%;
• Қостанай – 3,0%;
• Өскемен – 2,5%;
• Павлодар – 2,5%;
• Ақтөбе – 2,4%;
• Атырау – 1,9%;
• Орал – 1,7%.

Бәсекелестік индексі — 1,6. Бұл бір бос орынға орта есеппен екіден аз үміткер келетінін көрсетеді.