2021 жылдың 23 қыркүйегінде Қаржы нарығын реттеу және дамыту агенттігі, Алматы қаласы әкімдігі, Банк омбудсмені, банктер мен қоғамдық бірлестіктер арасында халықтың әлеуметтік осал топтарына жататын қарыз алушылардың жалғыз баспанасын сатуды тоқтата тұруды және ипотекалық қарызы бар азаматтарды тұрғын үйден шығаруды тоқтата тұруды қарастыратын меморандумға қол қойылды, деп хабарлайды ulysmedia.kz.
Қаржы нарығын реттеу және дамыту агенттігі Қаржылық қызметтердің тұтынушылардың құқықтарын қорғау департаментінің директоры Александр Терентьевтің айтуынша, меморандумды әзірлеу биыл маусым айынан бастап жүргізілуде және ол Қазақстанның барлық аймағына қатысты болады.
Меморандумның мақсаты – Тараптардың проблемалы қарыздарды, оның ішінде Бағдарлама шарттары бойынша қайта қаржыландырылған қарыздарды шешу бойынша шаралар қолдану арқылы халықтың әлеуметтік осал топтарына жататын қарыз алушылардың (тең қарыз алушылар, кепілгерлер, кепіл берушілер) құқықтарын қорғау.
Меморандум шеңберінде проблемалық қарыздарды реттеу, тұрғын үйден шығару және келісімге келу мәселесін шешу, сондай-ақ қарыз алушының қол жеткізілген келісімшарттарын тиісті түрде орындау кезеңінде банктер:
- атқару парағын ресімдеу үшін, ипотекалық шарттардан құқықтық қатынастар негізінде туындайтын қарызды өндіру үшін сотқа арыз беруді, нотариусқа хабарласуды;
- жалғыз тұрғын үйді, оның ішінде банктің балансында қабылданған тұрғын үйді сатуды;
- несие алушыларды тұрғын үйден, оның ішінде банктің балансында тұрған үйден бұрынғы иелерінен шығаруды тоқтатады.
Меморандум қол қойылған күннен бастап күшіне енеді және 12 ай бойы жарамды болады.
