Петропавлдағы супермаркеттердің бірі бағаларды теңгемен емес, Ресей рублімен белгілеген. Мұны байқаған сатып алушы Сауда және тұтынушылардың құқықтарын қорғау департаментіне жүгінген. Тексеріс нәтижесінде заң бұзылғаны расталды, деп хабарлайды Ulysmedia.kz.
МӘН-ЖАЙ
Сауда және интеграция министрлігінің хабарлауынша, мамандар дүкенге барып, бағалардың расымен де шетелдік валютада көрсетілгенін анықтаған. Қазақстан заңына сәйкес, ел аумағындағы барлық баға тек теңге түрінде көрсетілуге тиіс.
ЖАЗА
Дүкен иесі әкімшілік жауапкершілікке тартылып, барлық баға жапсырмасын ауыстыруға міндеттелді. Ведомство мұндай әрекеттер тұтынушыларды шатастырып, сауда орындарына деген сенімді төмендететінін атап өтті.
