11 желтоқсан күні түнге қарай елдің төрт облысында ауа райының қолайсыздығына байланысты автокөлік қозғалысына уақытша шектеулер енгізілді, деп хабарлайды Ulysmedia.kz.
ЖЕТІСУ ОБЛЫСЫ
Сағат 19:00-де Сарыөзек–Көктал бағытындағы автожолдың 0-68 шақырым аралығында, яғни Сарыөзек ауылынан Алтынемел асуына дейін барлық көлік түріне қозғалыс тоқтатылды.
Жолдың ашылуы 12 желтоқсан күні таңғы 8:00-ге жоспарланған.
ЖАМБЫЛ ОБЛЫСЫ
Қордай–Алматы жолының жабылуына байланысты көлік ағыны артқандықтан, сағат 18:30-дан бастап Тараз–Шымкент бағытында жүк көліктеріне қозғалысқа шектеу қойылды. Бұл шектеу тек Таразға қарай жүретін бағытқа қатысты.
ТҮРКІСТАН ОБЛЫСЫ
Сағат 19:00-де Шымкент–Тараз бағыты бойынша жүк көліктеріне қозғалысқа шектеу енгізілді.
Жолдың ашылуы 12 желтоқсан күні таңғы 7:00-ге жоспарланған.
АЛМАТЫ ОБЛЫСЫ
Сағат 20:00-де ауа райының нашарлауына байланысты Ресей Федерациясы шекарасы – Мартөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – Қытай Халық Республикасы шекарасы бағытындағы автожолдың 65-136 шақырым аралығында, яғни Ақбастау ауылынан Байсейіт көпіріне дейін барлық көлік түріне қозғалысқа шектеу қойылды.
Жолдың ашылуы 12 желтоқсан күні таңғы 6:00-ге жоспарланған.
