АҚШ-тағы атыстан кейін грин-картаға қатысты шешім қабылданды, деп хабарлайды Ulysmedia.kz.
ТОЛЫҒЫРАҚ
АҚШ-тың ішкі қауіпсіздік министрі Кристи Ноэм күдіктінің елге 2017 жылы DV-1 бағдарламасы арқылы кіріп, кейін грин-карта алғанын мәлімдеді.
АТЫС
13 желтоқсанда Род-Айленд штатының Провиденс қаласында орналасқан Браун университетінде атыс болды. Қайғылы оқиға салдарынан екі адам қаза тапты. Олардың бірі – Өзбекстаннан келген студент Мұхаммад Азиз Умурзоков.
– Президент Дональд Трамптың тапсырмасымен USCIS-ке (АҚШ Азаматтық және иммиграция қызметі – ред.) DV-1 бағдарламасын дереу тоқтату жөнінде нұсқау бердім. Бұл апатты бағдарламаның кесірінен енді бірде-бір америкалық зардап шекпеуі тиіс, – деді Кристи Ноэм.
КОНТЕКСТ
Қазіргі уақытта Қазақстан Еуропалық одақпен визалық режимді жеңілдету жөнінде келіссөз жүргізіп жатыр. Сарапшылардың пікірінше, шенген визасын алу тәртібі келесі жылы жеңілдеуі мүмкін.
