«Қазгидромет» синоптиктері 25 желтоқсан, бейсенбіге арналған ауа райы болжамын жариялады, деп хабарлайды Ulysmedia.kz.
Маңғыстау облысының батысы мен солтүстігінде түнде көктайғақ күтіледі. Күндіз де көктайғақ сақталады. Облыстың солтүстігі мен орталығында тұман болады. Күндіз облыстың батысы, солтүстігі және орталығында жаяу бұрқасын күтіледі. Жел оңтүстік-шығыстан соғып, солтүстік-батысқа ауысады, күндіз облыстың батысы, солтүстігі мен орталығында екпіні 15–20 м/с-қа дейін жетеді. Ақтауда күндіз көктайғақ күтіледі. Жел оңтүстік-шығыстан солтүстік-батысқа ауысып, екпіні 15–20 м/с болады.
Қызылорда облысының батысы, шығысы және орталығында тұман, көктайғақ күтіледі. Қызылорда қаласында кей уақыттарда тұман түсіп, кешке қарай көктайғақ болады.
Батыс Қазақстан облысының батысы, солтүстігі және шығысында көктайғақ күтіледі. Орал қаласында тұман мен көктайғақ болады.
Ақтөбе облысының оңтүстігінде көктайғақ күтіледі. Облыстың оңтүстігі мен шығысында тұман болады.
Павлодар облысының батысы мен солтүстігінде қар жауып, жаяу бұрқасын мен көктайғақ күтіледі. Жел оңтүстік-батыстан соғады, облыстың батысы мен оңтүстігінде екпіні 15–20 м/с. Павлодар қаласында жолдарда көктайғақ болады.
Ақмола облысында қар, бұрқасын және көктайғақ күтіледі. Жел оңтүстік-батыстан соғып, облыстың батысы, солтүстігі және шығысында екпіні 15–20 м/с-қа дейін жетеді. Көкшетау қаласында қар жауып, бұрқасын мен көктайғақ болады. Жел оңтүстік-батыстан, түнде екпіні 15 м/с.
Шығыс Қазақстан облысының солтүстігі мен шығысында жаяу бұрқасын күтіледі. Түнде және таңертең облыстың оңтүстігі мен орталығында тұман болады. Жел шығыстан, оңтүстік-шығыстан соғады, облыстың солтүстігі мен шығысында екпіні 15–20 м/с. Өскемен қаласында оңтүстік-шығыстан соғатын желдің екпіні 15–20 м/с болады.
Абай облысының солтүстігінде аздаған қар күтіледі. Облыстың батысы, солтүстігі және орталығында жаяу бұрқасын болады. Түнде және таңертең облыстың оңтүстігі мен шығысында тұман күтіледі. Жел оңтүстік-шығыстан, оңтүстіктен соғады, облыстың батысы, солтүстігі және орталығында екпіні 15–20 м/с, күндіз Жарма ауданында екпіні 23–28 м/с-қа дейін жетеді. Семей қаласында аздаған қар жауып, жаяу бұрқасын болады. Жел оңтүстік-шығыстан, оңтүстіктен соғып, күндіз екпіні 15–18 м/с.
Атырау облысының батысы мен оңтүстігінде түнде және таңертең тұман мен көктайғақ күтіледі. Атырау қаласында да түнде және таңертең тұман мен көктайғақ болады.
Астанада қар жауып, бұрқасын мен көктайғақ күтіледі. Жел оңтүстік-батыстан соғып, кей уақытта екпіні 15–20 м/с-қа дейін жетеді.
Жетісу облысының таулы аудандарында түнде және таңертең тұман күтіледі. Жел шығыстан соғады, Алакөл көлдері маңында екпіні 15–20 м/с.
Алматы облысының оңтүстігі мен таулы аудандарында кей уақыттарда тұман күтіледі, жолдарда көктайғақ болады. Жел оңтүстік-шығыстан соғады, облыстың батысы, шығысы және таулы аудандарында екпіні 15–20 м/с. Қонаев қаласында түнде және таңертең тұман болады.
Алматы қаласында түнде және таңертең тұман күтіледі.
Қарағанды облысының батысы, солтүстігі және шығысында қар жауып, бұрқасын мен көктайғақ күтіледі. Облыстың батысы, шығысы және оңтүстігінде тұман болады. Жел оңтүстік-батыстан соғып, облыстың батысы мен солтүстігінде екпіні 15–18 м/с. Қарағанды қаласында қар жауып, бұрқасын мен көктайғақ болады. Жел оңтүстік-батыстан, екпіні 15–18 м/с.
Ұлытау облысында қар жауып, бұрқасын мен көктайғақ күтіледі. Облыстың батысы, оңтүстігі және орталығында тұман мен көктайғақ болады. Жел оңтүстік-батыстан соғады, күндіз облыстың шығысында екпіні 15–18 м/с. Жезқазған қаласында көктайғақ пен тұман күтіледі.
Түркістан облысының оңтүстігінде, батысында және таулы аудандарында тұман күтіледі. Жел оңтүстік-шығыстан соғады, таңертең және күндіз таулы асуларда екпіні 15–20 м/с. Шымкент пен Түркістан қалаларында кей уақыттарда тұман болады.
Солтүстік Қазақстан облысында 25 желтоқсанда қар жауып, бұрқасын мен көктайғақ күтіледі. 26 желтоқсанда түнде қар мен бұрқасын, күндіз облыстың солтүстігі мен шығысында қар мен бұрқасын болады. Облыстың батысы, солтүстігі және оңтүстігінде тұман күтіледі. Жел оңтүстік-батыстан соғып, екпіні 15–20 м/с.
25 желтоқсанда ауа температурасы түнде және күндіз -15…-20°С-қа дейін күрт төмендейді, облыстың батысында -23°С, 26 желтоқсанда түнде -25…-30°С-қа дейін, облыстың оңтүстігінде -20°С болады.
Петропавл қаласында 25 желтоқсанда қар жауып, бұрқасын күтіледі. 26 желтоқсанда түнде қар мен бұрқасын болады. Жел оңтүстік-батыстан, 25 желтоқсанда екпіні 15–20 м/с. 25 желтоқсанда ауа температурасы түнде және күндіз -17…-19°С-қа дейін төмендеп, 26 желтоқсанда түнде -27…-29°С-қа дейін төмендейді.
