Қар, боран және көктайғақ: Қазақстанда ауа райы қолайсыз болады

ТОЛЫҒЫРАҚ

Синоптиктердің мәліметінше, атмосфералық фронттардың өтуіне байланысты 27 желтоқсанда елдің шығыс өңірлерінде қолайсыз метеорологиялық құбылыстар күтіледі.

27-29 желтоқсан аралығында батыс өңірлерде қар жауып, боран соғады, ал 29 желтоқсанда Қазақстанның солтүстік-батысында, солтүстігінде және орталық аймақтарында да қар мен боран болжанып отыр.

Қалың қар 

• 27 желтоқсанда — елдің шығысы мен оңтүстік-шығысында;
• 28 желтоқсанда — батыс өңірлерде жаууы мүмкін.

Атмосфералық фронттардың өтуіне байланысты Қазақстанда ауа температурасы құбылады. Солтүстік-батыс, солтүстік және орталық өңірлерде түнде ауа температурасы –10…–18 °C-қа дейін төмендеп, күндіз –8…0 °C шамасында болады.

Елдің шығысында түнде –15…–20 °C, күндіз –5…–10 °C болады.

Оңтүстік өңірлерде түнде ауа температурасы 0…+5 °C, таулы аудандарда –5…–10 °C болады, ал күндіз +5…+15 °C-қа дейін жылынады. Таулы аймақтарда күндізгі температура –4 °C пен +1 °C аралығында құбылады.