Қазақстаннан Ресейге қауіпті жүк жеткізілген, деп хабарлайды Ulysmedia.kz.
ТОЛЫҒЫРАҚ
Қытайда өсіріліп, Қазақстан арқылы Омбы облысына жеткізілген мандарин партиясынан Россельхознадзор мамандары жапырақтардың астыңғы бетінде қара цитрусты аққанаттың дернәсілдерін анықтаған. Осыған байланысты жүктің Ресей аумағына кіруіне тек фумигация — газ тәрізді пестицидтер арқылы залалсыздандыру шартымен ғана рұқсат берілген. Жүк иесі қажетті өңдеуден өткізіп, содан кейін шекарадан кедергісіз өткен.
ТЫЙЫМ
29 желтоқсанда Қазақстаннан Омбыға бағыт алған тағы бір жүк көлігі құжатсыз түйіршікті албырт уылдырығын тасымалдаған. Россельхознадзор тасымалдаушыны әлеуетті қауіпті жүкпен бірге Ресей аумағына кіргізбей, кері қайтарды.
