Жаңа жылда шетелге шығар болсаңыз, нені ескеру керек

ТОЛЫҒЫРАҚ

Ведомство өкілдері инфекциялық аурулардың алдын алу үшін саяхат кезінде санитариялық талаптарды қатаң сақтауға кеңес береді.

НЕНІ ЕСКЕРУ КЕРЕК

Санитариялық-эпидемиологиялық бақылау комитетінің мәліметінше, эндемиялық елдерге бармас бұрын сол өңірдегі эпидемиологиялық жағдайды мұқият зерделеп, жұқпалы аурулар қаупін алдын ала бағалау қажет. Сонымен қатар сапар кезінде келесі сақтық шараларын ұстану ұсынылады:

• тек таза суды пайдалану – қайнатылған немесе бөтелкедегі суды ішу;
• жеке гигиена ережелерін сақтау – тамақтанар алдында қолды сабынмен мұқият жуу;
• толық термиялық өңдеуден өткен тағамдарды таңдау, шикі көкөністер, жемістер мен теңіз өнімдерінен бас тарту;
• көше тағамдарына сақтықпен қарау, тек сенімді мейрамханалар мен дәмханаларды таңдау;
• үй және жабайы жануарлармен байланысқа түспеу.

ЕРЕКШЕ НАЗАР АУДАРУ ҚАЖЕТ

Мамандар сапар барысында денсаулық жағдайын мұқият бақылауға шақырады. Егер іш өту, құсу, әлсіздік сияқты белгілер байқалса, уақыт оздырмай медициналық көмекке жүгіну қажет.

Санитариялық-эпидемиологиялық бақылау комитеті аталған талаптарды сақтау шетелдік демалыс кезінде жұқпалы аурулардың алдын алуға және қауіпсіз саяхаттауға мүмкіндік беретінін атап өтті.