Қазақстан мен Өзбекстанның ұлттық банктері 2025 жылғы қазан айындағы жағдай бойынша екі елдің сыртқы қарызы туралы деректерді жариялады, деп хабарлайды Ulysmedia.kz.
ӨЗБЕКСТАН
Орталық банктің мәліметінше, елдің сыртқы қарызы – 75,4 млрд доллар (тоғыз айда 11,3 млрд долларға өскен). Оның ішінде мемлекеттік сыртқы қарыз – 37,4 млрд доллар, ал корпоративтік сыртқы қарыз – 38 млрд доллар.
ҚАЗАҚСТАН
Ұлттық банктің ақпаратынша, 1 қазанда Қазақстанның сыртқы қарызы 171 млрд 413,1 млн доллар болған. Бұл шілде айындағы көрсеткіштен (172,4 млрд доллар) аз болғанымен, 2025 жылдың басымен салыстырғанда шамамен 7 млрд долларға көп.
Осылайша, Қазақстанның сыртқы қарызы Өзбекстанның қарызынан 2,2 еседен астам жоғары.
