WTI маркалы мұнай фьючерстері барреліне 80 доллардан жоғары көтерілді, деп хабарлайды Ulysmedia.kz.
Лондонның ICE Futures биржасында Brent маркалы мұнайдың наурыз фьючерстері бағасы – барреліне $86,03. Бұл – алдыңғы сессияның жабылу бағасынан $0,09 (0,1%) төмен.
Нью-Йорк тауар биржасында (NYMEX) WTI маркалы мұнайдың ақпан айындағы фьючерстерінің бағасы осы уақытқа дейін $0,11 (0,14%) өсіп, барреліне $80,66 дейін көтерілді.
Сарапшылар АҚШ-тың эталондық мұнай маркасы бағасының өсуін Қытай тарапынан сұраныстың артуымен байланыстырып отыр.
