Бүгін ауа райы қандай болады - синоптиктер болжамы

23–24 қаңтар: Алматы облысының солтүстігінде, оңтүстігінде және таулы аймақтарында кей уақыттарда тұман күтіледі, жолдарда көктайғақ болады. Жел оңтүстік-шығыстан батысқа ауысады, облыстың шығысында екпіні 15–20 м/с.

Алматы мен Қонаев қалаларында кей уақыттарда тұман түсіп, жолдарда көктайғақ болады.

23 қаңтар: Алматы облысының таулы аймақтарында күндіз кей уақыттарда қалың қар жауады.

Жетісу облысының таулы аймақтарында таңертең және күндіз қалың қар күтіледі. Облыстың шығысында, орталығында және таулы аймақтарында кей уақыттарда тұман, жолдарда көктайғақ болады. Жел оңтүстік-батыстан, облыстың солтүстігі мен шығысында екпіні 15–20 м/с.

Талдықорғанда таңертең және күндіз тұман күтіледі.

Түркістан облысында қар жауады, түнде және таңертең облыстың оңтүстігінде және таулы аймақтарында қалың қар күтіледі. Төменгі боран, көктайғақ болады. Облыстың батысында, солтүстігінде, оңтүстігінде және таулы аймақтарында тұман күтіледі. Жел оңтүстік-батыстан солтүстік-шығысқа ауысады, облыстың батысында, солтүстігінде, оңтүстігінде және таулы аймақтарында 15–20 м/с, түнде таулы асуларда екпіні 23–28 м/с.

Шымкентте қар жауады, түнде кей уақытта қалың қар күтіледі. Кей уақыттарда төменгі боран, көктайғақ, тұман болады. Жел оңтүстік-батыстан солтүстік-шығысқа ауысады, екпіні 15–20 м/с.

Түркістан қаласында кей уақыттарда қар, төменгі боран, көктайғақ, тұман күтіледі. Жел оңтүстік-батыстан солтүстік-шығысқа ауысады, екпіні 15–20 м/с.

Жамбыл облысында түнде қар, төменгі боран, көктайғақ, таулы аймақтарда қалың қар күтіледі, күндіз облыстың солтүстігінде, оңтүстігінде және таулы аймақтарында қар, төменгі боран, көктайғақ болады. Кей уақыттарда тұман түседі. Жел оңтүстік-батыстан, облыстың оңтүстік-батысында, солтүстік-шығысында және таулы аймақтарында 15–20 м/с, екпіні 23–28 м/с.

Тараз қаласында түнде және таңертең қар, төменгі боран күтіледі. Кей уақыттарда тұман, көктайғақ болады. Жел оңтүстік-батыстан, екпіні 15–20 м/с, кей уақытта 25 м/с.

Қызылорда облысының батысында, оңтүстігінде және шығысында тұман, көктайғақ күтіледі. Қызылорда қаласында жолдарда көктайғақ болады.

Ақмола облысында түнде аздаған қар, күндіз аздаған қар, облыстың оңтүстігі мен шығысында қар жауады. Төменгі боран күтіледі. Облыстың батысында және оңтүстігінде тұман болады.

Павлодар облысының солтүстігінде түнде және таңертең тұман күтіледі.

Қостанай облысының шығысында және оңтүстігінде тұман болады.

Қарағанды облысында қар, боран күтіледі. Жел солтүстік-шығыстан оңтүстік-батысқа ауысады, күндіз облыстың оңтүстігінде екпіні 15–18 м/с. Қарағанды қаласында кей уақыттарда қар, төменгі боран болады.

Ұлытау облысының оңтүстігінде, шығысында және орталығында қар, төменгі боран күтіледі.

Шығыс Қазақстан облысының батысында, солтүстігінде және шығысында күндіз қар, боран күтіледі. Облыстың солтүстігінде тұман болады. Жел солтүстік-шығыстан оңтүстік-шығысқа ауысады, күндіз облыстың шығысы мен оңтүстігінде екпіні 15–20 м/с. Өскемен қаласында тұман күтіледі.

Абай облысының батысында және оңтүстігінде түнде қар, боран, күндіз қар, боран күтіледі. Облыстың солтүстігінде тұман болады. Жел солтүстік-батыстан оңтүстік-батысқа ауысады, облыстың батысында, оңтүстігінде және орталығында екпіні 15–20 м/с.

Ақтөбе облысының солтүстігінде, оңтүстігінде және шығысында күндіз қар, төменгі боран күтіледі.

Батыс Қазақстан облысының батысында, солтүстігінде және шығысында тұман, көктайғақ болады. Орал қаласында тұман, көктайғақ күтіледі.

Маңғыстау облысының батысында, солтүстігінде және орталығында көктайғақ, тұман болады. Ақтауда түнде және таңертең тұман күтіледі.

Атырау облысының батысында және оңтүстігінде тұман күтіледі.