Алматы төтенше жағдайлар департаменті таулы аймақта қауіпсіздік шараларының күшейтілгенін мәлімдеді. Бұл жағдай қар көшкіні қаупінің жоғарылауына байланысты, деп хабарлайды Ulysmedia.kz.
ТОЛЫҒЫРАҚ
Төтенше жағдайлар департаменті мен "Қазселденқорғау" мекемесі қала тұрғындары мен қонақтарына тауға жаяу серуендеуден және сапарға шығудан уақытша бас тартуды, барлық қауіпсіздік шараларын қатаң сақтауды ұсынды.
Сонымен қатар, қар көшкіні қаупі бар аймақтардағы автожол учаскелерінде қозғалыс уақытша шектелгені хабарланды. Қар көшкіні жағдайы тұрақталғанға дейін жол жабық болады.
Құтқарушылар тауға баруды жоспарлаған кезде ауа райын және тиісті қызметтердің ресми ескертулерін ескеруге үндеді.
