Қазақстан Республикасының Сыртқы істер министрлігі Мексикадағы ахуалға байланысты ескерту жасады, деп хабарлайды Ulysmedia.kz.
ТОЛЫҒЫРАҚ
— Елшілік отандастармен тұрақты байланыс орнатқан. Қазіргі таңда консулдық есепте Қазақстан Республикасының 35 азаматы тіркелген, — деп мәлімдеді редакцияға ведомствоның баспасөз қызметі.
Мексикада тұрып жатқан қазақстандықтарға сабыр сақтауға, сақ болуға және мүмкіндігінше қауіпсіз орындарда болуға кеңес берілді.
МЕКСИКАДАҒЫ ЖАҒДАЙ
Елдегі тәртіпсіздіктер Немесио Осегера Сервантестің өлтірілуінен кейін өршіген. Ол Jalisco New Generation Cartel деп аталатын ең ықпалды наркокартельдердің бірін басқарған.
Елдің бірнеше штатында зорлық-зомбылық көбейді. Көліктерді өртеу, жолдарды жабу және күштік құрылымдармен қақтығыстар болғаны хабарлануда. Билік қауіпсіздік шараларын күшейтіп, көшелерге әскерилер шығарған. Кейбір аудандарда көлік қозғалысы мен мекемелердің жұмысы уақытша шектелген.
